Ichhain man me dabi kabse

ichhaain  man me dabi kabse,

chahta hoon kah doon tumse,

saath saath bas aise hi door tak tere saath bahana chahta,

prakriti ke dwara tumse,

apni bhavanae batana chahta,

kuhre ki bhasaon se,

satrangi indradhanush se,

jyon bhara aasman ka kona-kona,

bhar do mere jeevan ko,

bas aise hi tere saath,

door tak udna chahta, 

par main janta hoon,

ye tumhe bata nahi paunga....

chal rahe hain,

chala rahe hain,

jeene ki shart nibha rahe hain,

bikhar gaye jo khud ko jodte jaa rahe hain,

aadarshon ke pichhe chipkar,

mulya banate ja rahe hain,

aswikrit hokar thukaraye jane par kabhi,

behayaie se hanste ja rahe hain,

naap taul ke mandi me, 

khud ko khada kar, 

apni insaniyat ko taulte ja rahe hain,

jooth ka daman pakad kar, 

satya ko aina dikha rahe hain, 

fareb ke manch par khada hokar, 

haq ka bhasan diye ja rahe hain, 

agar aaj koi bhi bhaav mere andar,

komalta liye hue hai to,

kadwe sach ke saamne usko daba rahe hain,

uljhe hue shabdon ko,

panno par vyakt kiye ja rahe hain.....