Na kam tolo na jyada tolo,
utna tolo jitna bhari hoon,
na ahankar do na alnkar do,
na ghrina do na pyar do,
na koi tiraskar do,
na disht hoon na danuj hoon,
main apka anuj hoon,
mujhe to bas nirakar do,
na saath do na sang do,
nujhe samaj ka ek ang do,
dara hua bhayabhit na reh jaun kahin,
khud mein hi naa simat jaun kahin,
mujhe bhi khuli hawa shwansh do,
mujhe bhi khula akash do,
prakash me naa ghir jaun andhkar banke
Mujhe bhi shiksha ka adhikar do....
No comments:
Post a Comment